Cysylltwch â ni drwy ffonio 0300 200 22 33

Cynllun Teithiau Bws Llywodraeth Cymru i Bobl Ifanc

Beth yw Cynllun Teithiau Bws Llywodraeth Cymru i Bobl Ifanc?

O 1 Medi 2025 ymlaen, mae Llywodraeth Cymru yn ariannu cynllun sy'n cyflwyno disgowntiau newydd ar deithiau bws i bobl 16 i 21 oed ar wasanaethau bws cofrestredig sy'n rhan o'r cynllun, yn unrhyw ran o Gymru, ac ar rai gwasanaethau trawsffiniol, am y prisiau canlynol:

  • Unffordd - £1.00
  • Tocyn Dydd - £3.00 (teithio diderfyn ar wasanaethau bws sy'n rhan o'r cynllun)

Yn ogystal â hyn, bydd yr holl ostyngiadau presennol ar gyfer y tocynnau canlynol yn dal i fod yn berthnasol.

  • Tocynnau Wythnos - gostyngiad o draean
  • Tocynnau Misol - gostyngiad o draean
  • Tocynnau Tymor/Blwyddyn Academaidd - gostyngiad o draean
  • Tocynnau Blynyddol - gostyngiad o draean

Dangosir rhestr lawn o'r gweithredwyr bysiau sy'n cymryd rhan yn y cynllun isod. Dim ond ychydig o wasanaethau, fel bysiau nos pris premiwm a bysiau City Sightseeing, na fydd yn cynnig y prisiau gostyngol nac yn derbyn Tocynnau Diwrnod. Nid yw'r prisiau gostyngedig ar gael ar wasanaethau coets a weithredir gan National Express, Megabus na Flix Bus. Cysylltwch â'r cwmni bysiau cyn i chi deithio os ydych yn ansicr.

Gweithredwyr Bysiau sy'n Cymryd Rhan

Bydd y gweithredwyr bysiau canlynol yn gwerthu ac yn derbyn tocynnau'r Cynllun Teithiau Bws i Bobl Ifanc:

  • Adventure Travel
  • Arriva Cymru
  • Berwyn Coaches
  • Caelloi
  • Cardiff Bus
  • Celtic Travel
  • Clynnog and Trefor
  • Connect2
  • Dansa
  • Davies Coaches
  • Dilwyn's Coaches
  • Edwards
  • Evans Coaches, Tregaron
  • First Cymru
  • Goodsir Coaches
  • Gwynfor Coaches
  • Harris Coaches
  • K&P Coaches
  • Keepings Coaches
  • Llew Jones
  • Lloyds Coaches
  • M&H Coaches
  • Mid Wales Travel
  • Morris Travel
  • Nefyn Coaches
  • Newport Transport
  • OR Jones
  • Oswestry Community Action
  • Owens Travelmaster
  • P&O Lloyds
  • Pats Coaches
  • Peyton Travel
  • Phil Anslow
  • R. Williams Services
  • Richard Brothers
  • Ridgeway
  • Select Coaches
  • Sergeant Bros
  • Simon Price Cars
  • South Wales Transport
  • Stagecoach South Wales
  • Taf Valley
  • Tanat Valley
  • Thomas of Rhondda
  • Townlynx
  • TrawsCymru
  • Valentines Travel
  • Wilkins Travel
  • Williams Coaches (Brecon)

Pwy all ddefnyddio'r Cynllun Teithiau Bws i Bobl Ifanc?

Mae pob person 16 i 21 oed yn gymwys ar gyfer prisiau'r Cynllun Teithiau Bws i Bobl Ifanc, ond rhaid i chi gael fyngherdynteithio i brofi eich oedran i yrrwr y bws wrth brynu tocyn.

Os nad oes gennych chi fyngherdynteithio eisoes, gallwch wneud cais am gerdyn yma mytravelpass.tfw.wales/cy/gwneud-cais-am-y-cerdyn o ddydd Llun 21 Gorffennaf.

Mae gen i fyngherdynteithio yn barod.

Os ydych chi rhwng 16 a 21 oed ac mae gennych chi fyngherdynteithio eisoes, rydych chi'n barod i elwa o'r Cynllun Teithiau Bws i Bobl Ifanc newydd ac nid oes angen i chi wneud dim byd pellach.

Ble alla i brynu tocynnau bws i Bobl Ifanc am brisiau gostyngol?

Gellir prynu tocynnau bws i Bobl Ifanc am brisiau gostyngol ar y bws gan y gyrrwr wrth fynd ar y bws neu, lle bo'n briodol, drwy apiau tocynnau ar eich ffôn symudol. Ni allwch ddefnyddio Tap Ymlaen/Tap Ymadael na’r system taliadau wedi'u capio ar hyn o bryd, er ein bod yn gobeithio cyflwyno hyn yn y dyfodol wrth i ni ddatblygu'r cynllun ymhellach.

Os ydych chi'n defnyddio ap ar eich ffôn i brynu tocyn, efallai y bydd angen i chi gofrestru eich fyngherdynteithio cyn y gallwch chi brynu tocynnau am brisiau gostyngol a bydd angen i chi gyflwyno'r fyngherdynteithio i'r gyrrwr pan fyddwch chi'n mynd ar y bws.

Mae yna hefyd rai cyfyngiadau ar ddefnyddio tocynnau unffordd a brynir trwy apiau ffôn symudol gan mai dim ond ar wasanaethau sy'n cael eu gweithredu gan y cwmni bysiau a werthodd y tocyn unffordd i chi y gellir defnyddio'r rhain.

Nid yw'r cyfyngiad hwn yn berthnasol i Docynnau Diwrnod a brynwyd ar ap ac y gellir eu defnyddio ar unrhyw wasanaeth bws yng Nghymru sy'n cymryd rhan.

A allaf gael gostyngiad i Bobl Ifanc ar wasanaethau bws y tu allan i Gymru?

Gallwch, cyn belled â bod eich taith fws yn dechrau neu'n gorffen yng Nghymru, byddwch wedi'ch cynnwys yn y cynllun hyd at ac o'r safle bws cyntaf yn Lloegr neu ar rai gwasanaethau hyd at ddiwedd y llwybr.

Beth os nad oes gen i fyngherdynteithio neu os byddaf yn ei golli?

Os ydych chi rhwng 16 a 21 oed ac na allwch chi gyflwyno eich fyngherdynteithio i'r gyrrwr wrth fynd ar y bws, gofynnir i chi dalu'r pris llawn ar gyfer tocyn oedolyn am y daith honno.

Gellir cael tocynnau newydd drwy gysylltu â ni ar 0300 200 22 33

Oes gostyngiad ar docynnau trên?

Dim ond i deithio ar fysiau yng Nghymru y mae'r Cynllun Teithiau Bws i Bobl Ifanc yn berthnasol.

Your browser is out-of-date!

Update your browser to view this website correctly. Update my browser now

×